Sa mga may ka-relasyon ngayon, subukan mong balikan yung tampuhan niyo. Bakit kayo nag-away? Dahil nagdota siya? Dahil hindi ka niya tinext? Dahil tinext niya ang best friend niya? Dahil nalimutan niyang magpaalam? Sa isang relasyon kailangan nagbibigayan. Subok din ang pasensiya. Hindi pwedeng ikaw lang ang masusunod. Dapat parehas niyong iniintindi ang ugali ng isa’-isa. Dapat nag-aadjust. Kung kinakailangan na araw-araw kang mag-adjust, sige araw-araw mong gawin. kahit kelan hindi naging madali ang magpatibay ng relasyon. Pero yung saya na walang kapantay, yun naman ang kapalit eh.